Nýtt ár

Gleðilegt nýtt ár allir saman.

Núna er ég bara flutt aftur heim til Íslands, Svíþjóðar-dvölin bara búin.

Ég er búin að koma búslóðinni minni fyrir inni í bílskúr hjá mömmu og pabba, en þar er ég líka búin að koma upp aðstoðu til að klára lokaverkefnið, sem að vonandi klárast einhvern tíma.

Kveðjur úr bílskúrnum  

Jólakveðja

GLEÐILEG JÓL 

Komin heim til Lomma

Núna er ég byrjuð á fullu í lokaritgerðinni, var að koma úr 2 vikna ferð frá Íslandi, þar sem ég var að ná í heimildir og taka viðtöl fyrir ritgerðina.

Núna fer að styttast í að ég fara að flytja frá Lomma, sem verður um miðjan desember, svolítið skrítið að námið sé bráðum að fara að taka enda. 

Kveðja frá Lomma 

Lokaritgerð

Jæja, ætlaði bara að láta vita að ég er ennþá á lífi því núna er sumarfríið löngu búið og skólinn byrjaður.

Ég er búin að vera í góðu fríi og ferðast um Svíþjóð og fá fullt af gestum í heimsókn og svo skaust ég auðvitað líka í smá sumarfrí til Íslands.

Núna er ég búin að vera á fullu að byrja á lokaritgerðinni sem ég á að skila í febrúar. Ég er einnig búin að vera að reyna að ákveða hvernig framhaldið verður, en núna er ég að stefna á að flytja heim í kringum jólin, samt er ekkert komið ennþá á hreint. Læt þetta duga í bili.

Kveðja frá Lomma 

SUMARFRÍ

Núna er ég búin að vera í sumarfríi í eina viku og búin að ná að gera helling. Skiptinemarnir í skólanum voru fyrst á fullu að halda kveðjupartý, ég ákvað að kíkja í eitt, þar voru allir hressir og nokkrir ákváðu að prófa sviðið sem var búið að setja upp rétt hjá skólanum fyrir Alnarp-daginn.

Á sunnudaginn var svo Alnarp-dagurinn, mikið af fólki samankomið, þar á meðal Victoria krónprinsessa.

 

 

 

 

 

 

 

 

 

Á mánudaginn fór ég svo í heimsókn til Margrétar í Gautaborg, það var mjög fínt gott veður, góður matur og falleg borg. Við náðum að versla, fara í siglingu, Tívolí (Liseberg), Bíó og margt fleira. Ég kom svo aftur heim til Lomma á miðvikudagskvöldið.

 

 

 

 

 

 

 

 

 

 

Sumar!!!

Jæja bara fyrsta árið alveg að verða búið, þetta er ekki lengi að líða og ég sem er svo ekkert búin að ákveða hvað ég er að fara að gera í sumar. Ég verð allavega í fríi, svo ef ég get fundið eitthvað efni ætla ég að reyna að byrja á lokaritgerðinni í ágúst (ef þú ert með tillögu endilega láttu mig vita). Núna er ég bara að gera verkefni og skrifa ritgerðir og hafa það gott að búa í landi þar sem stundum er gott veður, var t.d. á ströndinni í dag í 20°C, mjög fínt. Á svona dögum hefur maður engan áhuga á að koma aftur til Íslands. Ég óska svo öllum til hamingju sem eru að útskrifast þessa dagana, sérstaklega Eyjólfi, Tinnu og Hörpu, en þau eru öll að útskrifast stúdent um helgina.

Tíminn líður hratt

Það sem er að frétta héðan úr Svíaríki, er að það er búið að vera nokkuð mikið að gera í kúrsinum sem var að klárast og mikið af skemmtilegum ferðum og stórt verkefni. Strærsta verkefi kúsrins var samt að læra að tjá sig á ensku og skilja alla ólíku enskuna, því skiptinemarnir voru fleiri en svíarnir og vorum við frá 12 löndum

Jólafríið búið

Núna er maður bara komin til baka, langþráða jólafríið bara búið. Það sem er helst í fréttum er að þegar ég kom heim á sunnudagskvöldið bar búið að brjótast inn í íbúðina hjá mér. Það var búið að þvinga upp gluggan og kýkja inn í skápa og skúffur, ég fékk með þessu staðfestingu á því sem mig hefur grunað lengi "ég á enga merkilega hluti" því ég hef ekki ennþá séð að nokkuð hafi verið tekið.

Í dag var ég að klára annan kúrsinn minn . 

 

GLEÐILEGT NÝTT ÁR

       

5 DAGAR TIL JÓLA

 Núna er ég loksins komin í jólafrí, allir íslendingar stungnir af til Íslands og ég ein eftir. En á morgun kem ég heim í jólastressið.